FROSTASTAÐIR Í SKAGAFIRÐI
Frostastaðir er sveitabær í Skagafirði, 12 km frá Varmahlíð. Í boði er gisting í tveimur vel útbúnum íbúðum. Annarsvegar studio íbúð sem rúmar þrjá gesti og hinsvegar íbúð með tveimur svefnherbergjum sem rúmar fjóra gesti.
VERIÐ VELKOMIN Í FROSTASTAÐI
Sveitagisting í Skagafirði
Á Frostastöðum er rekið sauðfjárbú og ferðaþjónusta. Við erum staðsett við þjóðveg 76, Siglufjarðarveg. Við bjóðum gistingu í tveimur íbúðum í fallega uppgerðu íbúðarhúsi. Önnur íbúðin er studio íbúð í risi sem rúmar tvo-þrjá í gistingu (tvöfalt rúm og svefnsófi). Þar er sér baðherbergi og eldunaraðstaða. Þetta er notaleg íbúð með sérlega fallegu útsýni. Í hinni íbúðinni eru tvö tveggja manna herbergi sem deila baðherbergi. Einnig er þar rúmgott eldhús, vel búið tækjum og falleg setustofa. Þarna rúmast fjórir í gistingu og möguleiki að bæta við aukarúmi í öðru herberginu.
Gestir geta fengið keyptan morgunverð auk kvöldverðar en nauðsynlegt er að panta það fyrirfram. Andrúmsloftið er heimilislegt og hlýlegt og við leggjum okkur fram við að taka vel á móti gestum okkar.
Verið velkomin í Frostastaði!
NJÓTTU VEL
Hér er dásamlegt að sitja og spjalla um heima og geima. Njóta útsýnisins og hafa það gott.
